Ish-kapiteni legjendar i Barcelonës që përflitej se mund të bëhej trajner i këtij klubi, tani ka folur se sa mirë po ndihet në Katar ku punon dhe vepron.

“Kur ecni në Doha dhe takoni vendësit, është i qartë pasioni i tyre për futbollin”, ka thënë Xavi.

“Nuk dija se çfarë më priste kur u shpërngula këtu në fillim, pasi që ishte një përvojë krejtësisht e re për mua që kisha lënë Barcelonën pas 25 vjetësh, që të shkoj në një pjesë të re të botës me një kulturë dhe tradita ndryshe”.

Kampioni i botës me Spanjën më pas i ka përmendur gjërat që e bëjnë të ndihet i lumtur dhe rehat në Katar.

“Ama duhet ta pranoj se më pëlqen praktikisht gjithçka nga jeta në Katar. Moti është i mrekullueshëm, dielli shkëlqen përditë, dhe është një vend relaksi për të punuar pasi njerëzit janë vërtet respektues dhe të shoqërueshëm”.

“Është po ashtu një shtet shumë i sigurt me shumë pak krim, andaj është një vend shumë i mirë për ta rritur një familje të re”.